აქვსენტი (ტასო) ნაჭყებია – აფხაზეთის გმირი!

დაიბადა 1962 წლის 17 თებერვალს, სოხუმში.

აფხაზეთში ომის დაწყებისას ტასო ახლობლებს სტუმრობდა გალში, ინფორმაციის გავრცელებისთანავე ფეხით ჩავიდა სოხუმში და ჩადგა სამშობლოს დამცველთა რიგებში. 23-ე მექანიზებული ბრიგადის საზენიტო ბატალიონის ჰაერსაწინააღმდეგო დივიზიონის ოცეულის მეთაური, სოხუმზე უსაზღვროდ შეყვარებული ვაჟკაცი, სიცოცხლის ბოლო წუთამდე იბრძოდა მამულის კეთილდღეობისა და სამშობლოსათვის.

1993 წლის 15-16 მარტს, გუმისთის ბრძოლებში გამოჩენილი მამაცობისთვის, სიცოცხლეშივე დაჯილდოვდა ‘’ღირსების ორდენით’’. დაიღუპა 1993 წლის 21 სექტემბერს, ქალაქის დაცვისას.

მისმა დამ და თანამებრძოლებმა დაკრძალეს სოხუმში, საკუთარი სახლის ეზოში, ბზიფის გზატკეცილზე.

28 წლის შემდეგ აფხაზეთის ოკუპირებული ტერიტორიიდან გადმოსვენებულ იქნა აქვსენტი (ტასო) ნაჭყებიას ნეშტი, რომელიც 2021 წლის 9 დეკემბერს, დიღმის ძმათა სასაფლაოზე,სამხედრო პატივით დაკრძალეს.

 გმირების მარადისობა ქვეყნის წარსულში, აწმყოსა და მომავალშია!