ჯოყოლა (ჯოტო) გურჩიანი  დაიბადა  1960  წლის 26 სექტემბერს  ოჩამჩირის  რაიონის   სოფელ  ოხურეიში.

სამშობლოზე  უზომოდ  შეყვარებული  ვაჟკაცი  ომის  დაწყებისთანავე  დადგა  სამშობლოს დასაცავად.ჯოყოლა გურჩიანი  1992  წლის  სექტემბრიდან  ირიცხებოდა  საქართველოს  რესპუბლიკის  ეროვნული  გვარდიის  მე-3  ბრიგადის  მე-4  ბატალიონში, რომელიც  შემდგომში გადაკეთდა  საქართველოს  რესპუბლიკის   თავდაცვის  სამინისტროს  მე-2  საარმიო  კორპუსის  24-ე  მექანიზირებული   ბრიგადის  240-ე  ბატალიონად.  იყო  მე-3  ასეულის  ოცმეთაური.

1992  წლის  26  დეკემბერს  სოფელ  ოხურეისთან  გამართული  საბრძოლო  მოქმედებების  დროს  ჯოყოლა  გურჩიანი  გმირულად  დაიღუპა.