ნიკოლოზ დომენტის ძე უგრეხელიძე დაიბადა 1932 წლის 20 სექტემბერს ცაგერის რაიონში.  1949 წლიდან ცხოვრობდა სოხუმის რაიონის სოფელ ლინდავაში. პროფესიით ინჟინერ-მექანიკოსი მუშაობდა აფხაზეთის ჰიდროლოგიურ ცენტრში.

აფხაზეთში საომარი მოქმედებების დაწყებისთანავე ჩართული იყო საქართველოს ტერიტორიული მთლიანობისთვის გამართულ საბრძოლო ოპერაციებში. ირიცხებოდა საქართველოს რესპუბლიკის თავდაცვის სამინისტროს 23-ე ბრიგადის ი-ლი ბატალიონის პირად შემადგენლობაში. მისი შვილები გიორგი და თემურიც მამის მხარდამხარ იბრძოდნენ.

ნიკოლოზ უგრეხელიძე დაიღუპა 1993 წლის 16 ოქტომბერს.