ჩვენი გმირები

მერაბ  მიხეილის ძე  ჩიტაია  დაიბადა 1955 წლის  2 ივნისს,,დაამთავრა საქართველოს პოლიტექნიკური ინსტიტუტი.

1992 წლის 15 აგვისტოდან  შეიარაღებულ ძალებში  მსახურობდა. მაიორი მერაბ ჩიტაია მეორე საარმიო კორპუსის  ცალკეული   მატერიალური  უზრუნველყოფის   ბატალიონის  მეთაური იყო.

უშიშარი მეთაური ყოველთვის  წინ მიუძღვოდა თავის ბატალიონს საბრძოლო ოპერაციის დროს. ვაჟკაცობისა და გამბედაობის  მაგალითს  აძლევდა  თანამებრძოლებს.

მერაბ  ჩიტაია დაიღუპა 1993  წლის  30 სექტემბერს, სამსახურებრივი მოვალეობის შესრულების  დროს.  დაკრძალულია  გულრიფშში.

ამირან დომენტის ძე ჩიკვილაძე დაიბადა 1954 წლის  28 იანვარს ქალაქ  სოხუმში.

ამირან ჩიკვილაძე  1993  წლის 24 აპრილიდან  ირიცხებოდა  საქართველოს რესპუბლიკის  თავდაცვის  სამინისტროს მე-2  საარმიო  კორპუსის  სამხედრო-საზღვაო  ძალების  საზღვაო- ქვეითი  ბატალიონის ,მე-2 ასეულის  I  ოცეულის  მე-3  ათეულში  მსროლელად.

საბრძოლო  ოპერაციის  შესრულების  დროს  1993  წლის  18  ივლისს  ამირან  ჩიკვილაძე გმირულად  დაიღუპა.

 ვლადიმერ  კონსტანტინეს  ძე  შენიკოვი  დაიბადა  1955  წლის  23 ნოემბერს გულრიფშის ბარნაულის  დასახლებაში.

 აფხაზეთში  მიმდინარე საომარი  მოქმედებების  დროს  ვლადიმერ  შენიკოვი   1993 წლის 19 მარტიდან  ირიცხებოდა  საქართველოს  რესპუბლიკის  თავდაცვის სამინისტროს  მე-2  საარმიო კორპუსის ცალკეულ  სატანკო  ბატალიონში  მძღოლ-მექანიკოსად. იყო მამაცი და უშიშარი  მებრძოლი

  1993 წლის 2-11  ივლისს ოჩამჩირის  ფრონტზე  ტამიშის  დესანტის გადმოსხმის  დროს ვლადიმერ  სენიკოვი  თავისი  ტანკით ახორციელებდა სამხედრო ოპერაციას,რა დროსაც გმირულად დაიღუპა.

მამუკა  ტიტიკოს  ძე  ღვალაძე  დაიბადა 1969  წლის 13 აგვისტოს ჭიათურის  რაიონის  სოფელ მორგვეთში.

1993 წლის 13 ივლისიდან მამუკა  ღვალაძე  ირიცხებოდა  საქართველოს  რესპუბლიკის თავდაცვის  სამინისტროს  მე-2  საარმიო კორპუსის  ცალკეულ სატანკო  ბატალიონში ყუუმბარმტყორცნელად.

მამუკა ღვალაძე  1993  წლის  23 ივლისს  შრომა-ახალშენის  მიდამოებში  უთანასწორო ბრძოლის  დროს  თავისი  ტანკის  ეკიპაჟის  წევრებთან  ერთად   გმირულად  დაიღუპა.

შალვა  ალექსანდრეს  ძე  ქომეთიანი  დაიბადა  1941  წლის  22 აგვისტოს  სოხუმში.

აფხაზეთში მიმდინარე  საომარ მოქმედებებეში   მონაწილეობდა  1993 წლის 25 იანვრიდან . ირიცხებოდა  საქართველოს  რესპუბლიკის თავდაცვის  სამინისტროს  მე-2  საარმიო  კორპუსის  სამხედრო-საზღვაო   ძალების  სანაპირო დაცვის  პირველ საზღვაო დევიზიონში,ქალაქ სოხუმის სანაპირო დაცვის  კატარღების საზღვაო  დივიზიონის გასამხედროებული  სეინერის „ილორის“  კაპიტნის თანაშემწედ.

შალვა  ქომეთიანი  დაიღუპა  ქალაქ  სოხუმში  ერთ-ერთი  საბრძოლო ოპერაციის  დროს.

აფხაზეთში  მიმდინარე საომარი  მოქმედებების  დროს  გოჩა  ჯემალის  ძე  ქვარცხავა  ირიცხებოდა საქართველოს  რესპუბლიკის   თავდაცვის სამინისტროს  მე-2  საარმიო კორპუსის შტაბის  დაცვისა და უზრუნველყოფის  ასეულში.

        გოჩა  ქვარცხავა   1993 წლის 7 სექტემბერს  სამხედრო მოვალეობის   შესრულების დროს  სოხუმის რაიონის  სოფელ მანიაში  ნაღმის აფეთქების  შედეგად  დაიღუპა.

გოჩა ქვარცხავა  აფხაზეთში მიმდინარე საომარი მოქმედებების დროს ქვარცხავა გოჩა ჯემალის ძე ჩარიცხული იყო II საარმიო კორპუსის შტაბის დაცვის და უზრუნველყოფის ასეულში. 1993 წლის 7 სექტემბერს სამხედრო მოვალეობის შესრულების დროს სოხუმის რაიონის სოფ. მანიაში ნაღმის აფეთქების შედეგად დაიღუპა.

ანატოლ ილიას ძე ფირცხალავა დაიბადა 1965  წლის 7 აპრილს.

რიგითი ანატოლ ფირცხალავა  1993  წლის 18 იანვრიდან ირიცხებოდა  საქართველოს რესპუბლიკის  თავდაცვის სამინისტროს მე-2  საარმიო   კორპუსის სამხედრო-საზღვაო ძალების სამხედრო-საზღვაო  რადიოტექნიკურ  პუნქტში  ოპერატორად.

ანატოლ  ფირცხალავა დაიღუპა  საბრძოლო ოპერაციის  შესრულების  დროს.

ქიშვარდი ხარიტონის ძე  ფაცია დაიბადა 1954 წლის 17  იანვარს გულრიფშის რაიონის სოფელ ფშაფში.

აფხაზეთში მიმდინარე საომარი  მოქმედებების დროს  ქიშვარდი ფაცია  1993 წლის 18 აპრილიდან ირიცხებოდა  საქართველოს რესპუბლიკის  თავდაცვის სამინისტროს მე-2 საარმიო კორპუსის ცალკეულ  სატანკო ბატალიონში სარემონტო ათეულის  მექანიკოსად.

სოფელ  შრომის შტაბის წინ  მდებარე სიმაღლის დაცვის  დროს  11 ივლისს, დილის 07  საათზე  დესანტის  თავდასხმის  დროს  ქიშვარდ  ფაცია  თანამებრძოლებთან  ერთად  (ვლადიმერ დადუნაძე,თამაზ ჯალაღონია) გმირულად დაიღუპა.

ვახტანგ  ივანეს ძე ფაცაცია  დაიბადა 1965  წლის  21 იანვარს გულრიფშის რაიონის  სოფელ ფშაფში. საშუალო სკოლის დამთავრების შემდეგ , სწავლა განაგრძო სოხუმის  ინდუსტრიულ ტექნიკუმში.

აფხაზეთში მიმდინარე  საომარი მოქმედებების დროს ,ვახტან ფაცაცია 1992 წლის  24 დეკემბრიდან  მსახურობდა საქართველოს რესპუბლიკის  თავდაცვის სამინისტროს  მე-2 საარმიო კორპუსის  227-ე  ცალკეული ტანკსაწინააღმდეგო  დივიზიონის  პირველ  ბატალიონში. მონაწილეობდა მდინარე გუმისმთის  მიმართულებით მიმდინარე საბრძოლო ოპერაციებში.

1993 წლის 11 იანვარს, ვახტანგ  ფაცაციას, სანგარში  მანქანიდან  საბრძოლო ინვენტარის გადმოტვირთვისას ,ჭურვის ოთხმოცკილოგრამიანი  ყუთი  დაეცა. უგონო მდგომარეობაში მყოფი  თანამებრძოლებმა  თ. ქარდავამ და ბ. პატარაიამ  ბრძოლის ველიდან  გამოიყვანეს. მიღებული ტრამვის გამო,ვახტანგ  ფაცაცია,1993 წლის 19 იანვარს ,თბილისის  სამხედრო ჰოსპიტალში  გარდაიცვალა. დაკრძალულია გულრიფშის რაიონის  სოფელ ფშაფში.

გელა ედიშერის ძე ფარქოსაძე  დაიბადა 19 ოქტომბერი 1966წელს ქალაქ  თბილისში. გარდაიცვალა 24 სექტემბერი 1993 წელს სოხუმში

აფხაზეთში  მიმდინარე საომარი მოქმედებების დროს გელა ფარქოსაძე  1992 წლის 10 ოქტომბრიდან  ირიცხებოდა  საქართველოს  რესპუბლიკის  თავდაცვის  სამინისტროს  მე-2 საარმიო  კორპუსის  ცალკეულ  სატანკო ბატალიონში  ტანკის  მეთაურად.

იყო მამაცი და უშიშარი მებრძოლი.

1993 წლის 27 სექტემბერს, გელა ფარქოსაძე  ბატალიონის მეთაურთან – ნუგზარ მილორავასთან და  ტანკის ეკიპაჟის  წევრებთან  ერთად  უთანასწორო  ორთაბრძოლის  დროს  ტანკში აფეთქდა.

ვლადიმერ ფანჩვიძე დაიბადა 1962  წლის 10  სექტემბერს დაბა გულრიფშში. 1979 წელს დაამთავრა გულრიფშის საშუალო სკოლა და იმავე  წელს მისაღები გამოცდები  ჩააბარა თბილისის რადიო-ტელევიზიის სტუდიაში – ტექნიკოსის სპეციალობაზე.

სამხედრო-სავალდებულო სამსახური  გაიარა  საზღვაო  ფლოტში,საიდანაც მადლობის სიგელებით  და ჯილდოებით  დაბრუნდა. ვლადიმერი  კომუნიკაბელური, კეთილი, თავმდაბალი ადამიანი იყო.

აფხაზეთში საომარი  მოქმედებების დაწყებისთანავე  ჩაირიცხა საქართველოს რესპუბლიკის  თავდაცვის  სამინისტროს მე-2  საარმიო კორპუსის  227-ე ცალკეულ საარტილერიო დივიზიონში. ვლადიმერ ფანჩვიძე  თავდაუზოგავად  იბრძოდა სამშობლოს  ტერიტორიული მთლიანობისათვის.

ვლადიმერ ფანჩვიძე  1998 წლის 24 მაისს  გმირულად დაიღუპა  გალის რაიონში, სოფელ ნაბაკვანთან ახლოს, ერთ-ერთი საბრძოლო  ოპერაციის  შესრულების  დროს.

ვლადიმერ ფანჩვიძე დაკრძალულია  წყალტუბოს რაიონის  სოფელ გვიშტიბში.

ზვიად ბიჭიკოს ძე ტაბატაძე დაიბადა 1974 წლის 11 ივლისს, ხაშურის რაიონის სოფელ  სარმანიშვილისკარში.  დაამთავრა  ქვისხეთის  საშუალო სკოლა. სწავლა განაგრძო  სურამის №14  პროფესიულ-ტექნიკურ სასწავლებელში,რომლის დამთავრების  შემდეგ,1992 წლის 15 აგვისტოს, გაიწვიეს  სამხედრო-სავალდებულო  სამსახურში. მსახურობდა საქართველოს შეიარაღებულ ძალებში.

1993 წლის იანვარში გადაიყვანეს აფხაზეთის რეგიონში  საქართველოს  ტერიტორიული მთლიანობისთვის ბრძოლაში  მონაწილეობის მისაღებად. ზვიად ტაბატაძე ირიცხებოდა  საქართველოს თავდაცვის სამინისტროს  მე-2 საარმიო კორპუსის  321-ე ცალკეულ  სადაზვერვო ბატალიონში,მზვერავად.

ზვიად ტაბატაძე  1993 წლის 16 მარტს  გუმისმთის  მისადგომებთან  კონტრშეტევის  დროს მძიმედ დაიჭრა. ის საწრაფოდ  გადაიყვანეს   სოხუმის სამხედრო  ჰოსპიტალში,სადაც გაუკეთდა  ოპერაცია ხელის შესანარჩუნებლად, თუმცა უშედეგოდ. სამი დღის მანძილზე  ებრძოდა სიკვდილს თბილისის  სამხედრო ჰოსპიტალში. 1993 წლის 19 მარტს კი გარდაიცვალა…

ლიუსიკ იგორის ძე ტკაჩუკი იყო უკრაინელი  მოხალისე,რომელიც ირიცხებოდა საქართველოს რესპუბლიკის  თავდაცვის  სამინისტროს  მე-2 საარმიო კორპუსის  სამხედრო-საზღვაო  ძალების  ჰიდროფიზიკური გაზომვების  ინსტიტუტ  „ატოლში“ მსროლელად.

ლეონიდ ტკაჩუკი _ უკრაინული სამხედრო-პატრიოტული ორგანიზაცია უნა-უნსოს წევრი.

ელგუჯა სულიკოს ძე რუხაია , 1971 წელი 12 მაისი. დაამთავრა სოხუმის პირველი საშუალო სკოლა.

აფხაზეთში  მიმდინარე  საომარი მოქმედებების დროს, 1993 წლის  15 მაისიდან ირიცხებოდა საქართველოს რესპუბლიკის  თავდაცვის  სამინისტროს მე-2  საარმიო კორპუსის  შტაბის  დაცვის  და  უზრუნველყოფის ასეულში მსროლელად. აქტიურად მონაწილეობდა ბატალიონის  მიერ განხორციელებულ  ყველა საბრძოლო ოპერაციაში,მეთაურთა დავალებებს  ასრულებდა დროულად  და პირნათლად, თანამებრძოლებს  შორის სარგებლობდა კარგი ავტორიტეტით.

ელგუჯა  რუხაია დაიღუპა 1993  წლის 15 აგვისტოს ოჩამჩირის  სოფელ  ტამიშში,საომარი მოქმედებების დროს.

ბადრი სერგოს ძე პაპავა დაიბადა 1953 წლის 17 აპრილს  აბაშის რაიონის  სოფელ გეზათში.  ცხოვრობდა აფხაზეთში.დაამთავრა სოხუმის მე-17 საშუალო სკოლა.

ბადრი  პაპავა  1992  წლიდან  ირიცხებოდა  საქართველოს   რესპუბლიკის   თავდაცვის  სამინისტროს  მე-2  საარმიო   კორპუსის  ქაქუცა  ჩოლოყაშვილის  სახელობის  ქიმიური  დაცვის ბატალიონში.   ბადრი  პაპავა  იყო თადარიგის  ზემდეგი, 1993  წლის ივლისში მიენიჭა  ლეიტენანტის სამხედრო  წოდება.

1993 წლის 20 სექტემბერს ბადრი  პაპავა საბრძოლო  მოქმედებებისას  მძიმედ დაიჭრა.   თანამებრძოლებმა  ბრძოლის  ველიდან  გამოიყვანეს.

ბადრი პაპავა  გარდაიცვალა 1993  წლის 1 ოქტომბერს.