ჩვენი გმირები

გოდერძი გუჯეჯიანი დაიბადა 1975 წლის 7 სექტემბერს, გულრიფშის რაიონი სოფელ გვანდრაში. სკოლა დაამთავრა 1991 წელს და მალე აფხაზეთის კომფლიქტი დაიწყო. პირველი მსხვერპლი დედამისი გახდა მათ ოჯახში. ხუთი შვილის დედა დაბომბვის შედეგად დაიღუპა. ყველაზე უფროსი 18 წლის გოდერძი გახლდათ, რომელმაც იარაღი აისხა და მებრძოლთა ჯგუფის ,,მონადირეს“ წევრი გახდა.

ვაჟკაცურად იბრძოდა და სოხუმის დაცემის შემდეგაც არ შეუწყვეტია ბრძოლა. კოდორის ხეობას იცავდა, მაგრამ 1993 წლის 24 ნოემბერს სოფ. ბაგადასთან მტრის ძლიერი შემოტევის დროს გმირულად დაეცა ბრძოლის ველზე.

მხოლოდ ოთხი თვის შემდეგ მოხერხდა მისი ნეშტის გადმოსვენება სოფ. გვანდრაში.

საქართველოს პრეზიდენტის განკარგულებით, სამშობლოს ტერიტორიული მთლიანობისათვის ბრძოლაში გამოჩენილი გმირობის, ვაჟკაცობისა და თავგანწირვისათვის გოდერძი გუჯეჯიანი  სიკვდილის შემდეგ დაჯილდოებულია ვახტანგ გორგასლის I ხარისხის“ ორდენით.

ვასო შოთას ძე გვიჩიანი დაიბადა 1962 წლის 15 მარტს. 4 წლის დედისერთა ბიჭს მამა ადრე დაეღუპა. 1979 წელს დაამთავრა გულრიფშის რაიონის სოფელ ჩხალთის საშუალო სკოლა.  მოიხადა სამხედრო-სავალდებულო სამსახური.

აფხაზეთში მიმდინარე საომარი მოქმედებების დროს ვასო გვიჩიანი  ირიცხებოდა საქართველოს რესპუბლიკის თავდაცვის სამინისტროს მე-2 საარმიო კორპუსის  23-ე მექანიზირებული ბრიგადის სამთო-მსროლელ ბატალიონ „მონადირეს“ რიგებში.

ვასო გვიჩიანი დაიღუპა 1993 წლის 27 სექტემბერს, სოხუმის დაცემის დროს, სოფელ ჩინში.

მირონ (სოსო) გერლიანი დაიბადა 1957 წელს, გულრიფშის რაიონის სოფელ აჟარაში.  1977 წელს დაამთავრა აჟარის საშუალო სკოლა.

აფხაზეთში ომის დაწყებისთანავე ჩადგა მამულის დამცველთა რიგებში. მირონ გერლიანი ირიცხებოდა საქართველოს რესპუბლიკის თავდაცვის სამინისტროს 23-ე მექანიზირებული ბრიგადის  სამთო-მსროლელ ბატალიონ „მონადირეში“.

1992 წლის აგვისტოს ბოლოს, ერთ-ერთი შეტაკების დროს მირონ გერლიანი გმირულად დაიღუპა.

მირონ გერლიანს დარჩა მეუღლე და ორი შვილი.

ომარ ილიას ძე არღვლიანი საქართველოს რესპუბლიკის შეიარაღებული ძალების სამხედრო ჯარების ცალკეული მოტომსროლელი ბატალიონის „მონადირეს“ მაიორი იყო. 1992 წლის 14 აგვისტოდან იბრძოდა საქართველოს შეიარაღებული ძალების რიგებში, სხვადასხვა სამხედრო დანაყოფებში. მონაწილეობდა თითქმის ყველა საბრძოლო ოპერაციაში, გუმისთიდან ოჩამჩირის რაიონამდე. არ ერიდებოდა სირთულეებს და გული ყოველთვის ცხელი წერტილებისკენ მიუწევდა. ექვსჯერ დაიჭრა. გამოჯანმრთელების შემდეგ ისევ პოზიციებს უბრუნდებოდა.

1994 წლის 24 მარტს ომარ არღვლიანი გმირულად დაიღუპა დალის ხეობაში, სოფელ ლათას შემოსასვლელში.

ომარ არღვლიანი დაკრძალულია მესტიის რაიონის სოფელ ცხუმარში.

საქართველოს პრეზიდენტის განკარგულებით, სამშობლოს ტერიტორიული მთლიანობისათვის ბრძოლაში გამოჩენილი გმირობის, ვაჟკაცობისა და თავგანწირვისათვის ომარ არღვლიანი სიკვდილის შემდეგ დაჯილდოებულია ვახტანგ გორგასლის II ხარისხის და „ღირსების“ ორდენებით.

ნუგზარ მიხეილის ძე ავალიანი დაიბადა 1952 წელს, გულრიფშის რაიონის სოფელ საკენში. დაამთავრა დრანდის სკოლა-ინტერნატი.

ქართულ-აფხაზური კონფლიქტის დროს ნუგზარმა ხელში იარაღი აიღო და  ქვეყნის სადარაჯოზე დადგა. ირიცხებოდა საქართველოს რესპუბლიკის თავდაცვის სამინისტროს 23-ე მექანიზირებული ბრიგადის სამთო-მსროლელ ბატალიონ „მონადირეში“.

ნუგზარ ავალიანი 1993 წელს გმირულად დაიღუპა მტერთან უშეღავათო ბრძოლაში.

მიხეილ კოკაია დაიბადა 1956წლის 24 დეკემბერს სოხუმში.

აფხაზეთის ავტონომიური რესპუბლიკის სამდივნოს თანამშრომელი, ჟიული შარტავას მრჩეველი სამხედრო საკითხებში.

1993 წლის 27 სექტემბერს, სოხუმის დაცემის დღეს, დახვრიტეს სეპარატისტებმა. მისი და სხვა დახვრეტილების საფლავები 2018 წლამდე უცნობი იყო.

უფროსი ლეიტენანტი დიმიტრი ტარიელის ძე ჭურღულია, დაიბადა 1951 წელს სოხუმში.

გამორჩეული ვაჟკაცი, ქალაქის კოლორიტი, სულითხორცამდე საქართველოსთვის დაბადებული, ყოველთვის იქ იყო, სადაც ყველაზე მეტად უჭირდა დედა-სამშობლოს. საქართველოს ჩემპიონი კრივში.

საქართველოს პრეზიდენტის განკარგულებით სამშობლოს ტერიტორიული მთლიანობისათვის ბრძოლაში გამოჩენილი გმირობის, ვაჟკაცობისა და თვგანწირვისათვის დიმიტრი ჭურღულია, სიკვდილის შემდეგ, დაჯილდოვდა ვახტანგ გორგასლის III ხარისხის ორდენით

გიორგი (გონერი) დარისპანის ძე შენგელია დაიბადა 1950 წელს ზუგდიდის რაიონის სოფელ რუხში.

ომის დაწყების პირველი დღეებიდან ჩაერთო აფხაზეთში მიმდინარე საომარ მოქმედებებში. გიორგი შენგელია ირიცხებოდა აფხაზეთის ავტონომიური რესპუბლიკის მინისტრთა საბჭოსა და თავდაცვის საბჭოსთან არსებული სოხუმის გარნიზონის სპეციალური დანიშნულების რაზმ „იუპიტერში“. ის აქტიურად მონაწილეობდა ბატალიონის მიერ წარმოებულ საბრძოლო ოპერაციებში.

1992 წლის 18 აგვისტოს მდინარე გუმისთასთან, საქართველოს სუბტროპიკული მეურნეობის ინსტიტუტის ეშერის საცდელ მეურნეობასთან აფხაზი სეპარატისტები და დაქირავებული ბოევიკები გადმოვიდნენ შეტევაზე, რათა ხელსაყრელი პოზიციები დაეკავებინათ. ოპერატიული ინფორმაციის მიღების შემდეგ „იუპიტერის“ ჯგუფი კონსტანტინე ჯღამაიას ხელმძღვანელობით დაუყოვნებლივ გავიდა ოპერაციაზე. გაიმართა სისხლისმღვრელი ორათაბრძოლა. ამ შეტაკების დროს გონელი სიჭინავა გმირულად დაიღუპა.

საქართველოს პრეზიდენტის განკარგულებით სამშობლოს ტერიტორიული მთლიანობისათვის ბრძოლაში გამოჩენილი გმირობის, ვაჟკაცობისა და თვგანწირვისათვის გიორგი შენგელია, სიკვდილის შემდეგ, დაჯილდოვდა ვახტანგ გორგასლის III ხარისხის ორდენით.

ელგუჯა გივის ძე შარტავა 1992 წლის 1 დეკემბრიდან 1993 წლის 27 სექტემბრამდე ირიცხებოდა აფხაზეთის ავტონომიური რესპუბლიკის მინისტრთა საბჭოსა და თავდაცვის საბჭოსთან არსებული სოხუმის გარნიზონის სპეციალური დანიშნულების რაზმი „იუპიტერის“ პირადი შემადგენლობის პირადი დაცვის სამსახურში განყოფილების უფროსად, სამხედრო წოდებით _ კაპიტანი. აქტიურად მონაწილეობდა საბრძოლო ოპერაციებში სოფლებთან: თავისუფლება, შრომა, გუმისთა, ბესლახუბა. ელგუჯა შარტავა 1993 წლის 27 სექტემბერს ქალაქ სოხუმში საბრძოლო მოქმედებების დროს სეპარატისტებმა ტყვედ აიყვანეს და დახვრიტეს.

საქართველოს პრეზიდენტის განკარგულებით სამშობლოს ტერიტორიული მთლიანობისათვის ბრძოლაში გამოჩენილი გმირობის, ვაჟკაცობისა და თვგანწირვისათვის ელგუჯა შარტავა, სიკვდილის შემდეგ, დაჯილდოვდა ვახტანგ გორგასლის III ხარისხის ორდენით

ალექსანდრე დავითის ძე ფარცვანია დაიბადა 1955 წლის 15 დეკემბერს ქალაქ სოხუმში.

აფხაზეთში მიმდინარე საომარი მოქმედების დროს, 1992 წლის სექტემბრიდან ალექსანდე ირიცხებოდა აფხაზეთის ავტონომიური რესპუბლიკის მინისტრთა საბჭოსა და თავდაცვის საბჭოსთან არსებული სოხუმის გარნიზონის სპეციალური დანიშნულების რაზმ „იუპიტერის“ შემადგენლობაში. აქტიურად მონაწილეობდა არაერთ საბრძოლო ოპერაციაში. განსაკუთრებული სიმამაცე გამოიჩინა15-16 მარტის ბრძოლებში. 1993 წლის აპრილიდან ალექსანდრე ფარცვანია მიავლინეს ადგილობრივი მრეწველობის მინისტრის რაულ ეშბას პირადი დაცვის უფროსად.

ალექსანდრე ფარცვანია დაიღუპა 1993 წლის 27 სექტემბერს მთავრობის სახლის აღების დროს მიმდინარე საბრძოლო მოქმედებებისას.

საქართველოს პრეზიდენტის განკარგულებით სამშობლოს ტერიტორიული მთლიანობისათვის ბრძოლაში გამოჩენილი გმირობის, ვაჟკაცობისა და თავგანწირვისათვის ალექსანდრე ფარცვანია, სიკვდილის შემდეგ, დაჯილდოვდა ვახტანგ გორგასლის II ხარისხის ორდენით.

ვაჟა ვახტანგის ძე სიჭინავა დაიბადა 1971 წლის 18 აგვისტოს ქალაქ თბილისში. 1992 წელს დაამთავრა ივ. ჯავახიშვილის

სახელმწიფო უნივერსიტეტის ეკონომიურ ფაკულტეტი.

1992 წლის დეკემბრიდან ირიცხებოდა აფხაზეთის ავტონომიური რესპუბლიკის მინისტრთა საბჭოსა და თავდაცვის საბჭოსთან არსებული სოხუმის გარნიზონის სპეციალური დანიშნულების რაზმ „იუპიტერში”.

1993 წლის 13 აპრილს „იუპიტერის“ სადაზვერვო-დივერსიული 25-კაციანი ჯგუფი გადასროლილ იქნა „სოხუმჰესის“ მიდამოებში

სადაზვერვო ოპერაციის ჩასატარებლად. ოპერატიული ინფორმაციის თანახმად იქ იმყოფებოდა მტრის დივერსიული ჯგუფი. გაიმართა ხელჩართული ბრძოლა, სადაც „იუპიტერის“ მებრძოლებმა მტერი გაანადგურეს. ვაჟა სიჭინავა სამხედრო ოპერაციის დროს თავი როგორც მამაცმა, გულადმა მეომარმა გამოიჩინა.

ვაჟა სიჭინავა ამ ბრძოლის დროს გმირულად დაიღუპა.

საქართველოს პრეზიდენტის განკარგულებით სამშობლოს ტერიტორიული მთლიანობისათვის ბრძოლაში გამოჩენილი გმირობის, ვაჟკაცობისა და თავგანწირვისათვის ვაჟა სიჭინავა, სიკვდილის შემდეგ, დაჯილდოვდა ვახტანგ გორგასლის II ხარისხის ორდენით.

ზურაბ (ზაზა) ნადარეიშვილი დაიბადა 1967 წლის 11 თებერვალს ქ. სოხუმში. ცხოვრობდა ბარათაშვილის ქუჩის N 6-ში.

დაამთავრა ქ. სოხუმის პირველი საშუალო სკოლა. პირნათლად მოიხადა სამხედრო სამსახური.

იყო სოხუმის მერის, გურამ გაბისკირიას პირადი მცველი.

ზურაბ (ზაზა) ნადარეიშვილი დაიღუპა 1993 წლის 27 სექტემბერს, აფხაზი სეპარატისტებისა და მთიელ კონფედერანტთა მიერ აფხაზეთის მინისტრთა საბჭოს ადმინისტრაციულ შენობაზე განხორციელებული შეტევის დროს.

ნეშტი აღმოჩენილ იქნა სოხუმში, ე.წ. იაშტუხას სასაფლაოზე არსებულ სამარხში. ზურაბ ნადარეიშვილს 16 მარტს, დიღმის ძმათა სასაფლაოზე დაკრძალეს …

საქართველოს პრეზიდენტის განკარგულებით სამშობლოს ტერიტორიული მთლიანობისათვის ბრძოლაში გამოჩენილი გმირობის, ვაჟკაცობისა და თვგანწირვისათვის  ზურაბ  ნადარეიშვილი, სიკვდილის შემდეგ, დაჯილდოვდა ვახტანგ გორგასლის III ხარისხის ორდენით.

მამია (ხვიჩა) გივის ძე ლემონჯავა ირიცხებოდა აფხაზეთის ავტონომიური რესპუბლიკის მინისტრთა საბჭოსა და თავდაცვის საბჭოსთან არსებული სოხუმის გარნიზონის სპეციალური დანიშნულების რაზმი „იუპიტერის“ სადაზვერვო-დივერსიულ ჯგუფში მებრძოლად.

მამაცობითა და გამჭრიახობით გამოირჩეოდა. თანამებრძოლები მას სიყვარულით „ნინძას“ ეძახდნენ.

მამია ლემონჯავა 1993 წლის 18 სექტემბერს სოფელ თავისუფლებასთან მიმდინარე საბრძოლო ოპერაციის დროს გმირულად დაიღუპა.

საქართველოს პრეზიდენტის განკარგულებით სამშობლოს ტერიტორიული მთლიანობისათვის ბრძოლაში გამოჩენილი გმირობის, ვაჟკაცობისა და თვგანწირვისათვის მამია ლემონჯავა, სიკვდილის შემდეგ, დაჯილდოვდა ვახტანგ გორგასლის III ხარისხის ორდენით.

მერაბ კარლოს ძე კვინიკაძე დაიბადა 1954 წლის 23 მაისს.

1992 წლის 30 დეკემბერს აფხაზეთის ავტონომიური რესპუბლიკის მინისტრთა საბჭოსა და აფხაზეთის ავტონომიური რესპუბლიკის თავდაცვის საბჭოს თავმჯდომარის N42 ბრძანებით შეიქმნა სპეციალური დანიშნულების რაზმი „იუპიტერი“. 1992 წლის 31 დეკემბერს სპეცრაზმი „იუპირეტი“-ს მეთაურის N1 ბრძანებით კვინიკაძე მერაბი კარლოს ძე დაინიშნა პირადი დაცვის განყოფილებაში განყოფილების უფროსის მოადგილედ, სამხედრო წოდებით – უფროსი ლეიტენანტი.