ჩვენი გმირები

როინ   დომეს   ძე ლეჟავა  დაიბადა  1952  წლის  6  იანვარს.  დაამთავრა  სოფელ  ლეკუხონის  საშუალო  სკოლა.

აფხაზეთში  მიმდინარე  საომარი  მოქმედებების დროს , როინ ლეჟავა  1993  წლის  1  მარტიდან  ირიცხებოდა  საქართველოს  რესპუბლიკის  თავდაცვის  სამინისტროს  მე-2  საარმიო   კორპუსის  24-ე  მექანიზირებული  ბრიგადის  242-ე  ბატალიონში,აქტიურად  მონაწილეობდა  ბატალიონის  მიერ  მოქვი-ტამიშის  შორის  გამავალ  საბრძოლო  ხაზზე  განხორციელებულ  ოპერაციებში.

1993 წლის  5 მარტს,  სოფელ  ცაგერაში  , მტრის მიერ  გასროლილმა  ჭურვმა , სანგარში  მყოფი  როინ  ლეჟავას  სიცოცხლე  იმსხვერპლა.

გენური  ვალიკოს  ძე  ლიპარტელიანი  აფხაზეთში  საომარი  მოქმედებების  დროს,  1993  წლის  11  დეკემბრიდან  ირიცხებოდა  საქართველოს   რესპუბლიკის  თავდაცვის  სამინისტროს  მე-2  საარმიო  კორპუსის  24-ე  მექანიზირებული  ბრიგადის  242-ე  ბატალიონში  მსროლელად. აქტიურად  მონაწილეობდა  ბატალიონის  მიერ  განხორციელებულ  საბრძოლო ოპერაციებში  ტამიშის ,ლაბრასა  და მოქვის  მიმართულებით.

გენური  ლიპარტელიანი  1993  წლის  29  სექტემბერს  ,მტრის  მიერ  სოფელ  ცაგერაზე  განხორციელებული  ვერაგული  შემოტევის  დროს  გმირულად  დაიღუპა.

საქართველოს  პრეზიდენტის  განკარგულებით სამშობლოს  ტერიტორიული  მთლიანობისთვის  ბრძოლაში   გამოჩენილი  გმირობის, ვაჟკაცობისა  და თავგანწირვისთვის  გენური  ლიპარტელიანი , სიკვდილის   შემდეგ, დაჯილდოვდა   ვახტანგ  გორგასლის  I ხარისხის  ორდენით.

მირზა  გენადის  ძე  ლეთოდიანი  დაიბადა  1970  წლის  21  მაისს,დაამთავრა  ცაგერის  საშუალო  სკოლა. სწავლა  განაგრძო  ქუთაისის  ტექნიკურ  სასწავლებელში.

აფხაზეთში  ომის  დაწყებისთანავე   მირზა  ლეთოდიანი  ჩაირიცხა  საქართველოს  რესპუბლიკის  თავდაცვის  სამინისტროს  მე-2   საარმიო  კორპუსის  24-ე  მექანიზირებული  ბრიგადის  242-ე  ბატალიონში  რიგითად. პირნათლად  და კეთილსინდისიერად  ასრულებდა  მასზე  დაკისრებულ  მოვალეობებს.

იური  ნიკოლოზის  ძე  კუხალაშვილი  დაიბადა  1967  წელს  ოჩამჩირის  რაიონის  სოფელ  ცაგერაში.

რიგითი  იური  კუხალაშვილი  აფხაზეთის  კონფლიქტის  დაწყებისთანავე  ერთ-ერთი  პირველთაგანი  ჩადგა  სამშობლოს  დამცველთა  რიგებში. ირიცხებოდა  საქართველოს  რესპუბლიკის  თავდაცვის  სამინისტროს  მე-2  საარმიო  კორპუსის  24-ე  მექანიზირებული   ბრიგადის  242-ე  ბატალიონის  რიგებში – მსროლელად. აქტიურად  მონაწილეობდა  ოჩამჩირის რაიონში  , კერძოდ,  ტამიშსა  და  ლაბრას   მიმართულებით  მიმდინარე  საბრძოლო  ოპერაციებში. 1992  წლის 6  დეკემბერს  იური  კუხალაშვილი  ბრძოლის  ველზე  გმირულად  დაიღუპა.

საქართველოს  პრეზიდენტის  განკარგულებით  სამშობლოს  ტერიტორიული   მთლიანობისთვის  ბრძოლაში  გამოჩენილი  გმირობის, ვაჟკაცობისა  და  თავგანწირვისთვის  იური  კუხალაშვილი , სიკვდილის  შემდეგ, დაჯილდოვდა  ვახტანგ  გორგასლის   III  ხარისხის  ორდენით.

იური  კუხალაშვილი  დაკრძალულია  სოფელ  ცაგერაში.

გოჩა  ნიკოლოზის   ძე  კუხალაშვილი  დაიბადა  1973  წლის  18  ივნისს  ოჩამჩირის  რაიონის  სოფელ  ცაგერაში.

აფხაზეთის  კონფლიქტის  დროს,  გოჩა  კუხალაშვილი  1993  წლის  14  იანვრიდან  ირიცხებოდა  საქართველოს  რესპუბლიკის  თავდაცვის  სამინისტროს  მე-2  სააარმიო  კორპუსის  24-ე  მექანიზირებული  ბრიგადის  242-ე  ბატალიონის  რიგებში.  აქტიურად  მონაწილეობდა  ტამიში- ლაბრას  მიმართულებით  გახორციელებულ  საბრძოლო მოქმედებებში.

გოჩა  კუხალაშვილი  დაიღუპა  1993  წლის  16  მაისს, მშობლიური  სოფლის  მისადგომებთან , ერთ-ერთი  საბრძოლო  ოპერაციის  დროს. დაკრძალულია  სოფელ  ცაგერაში.

გურამ  არსენის  ძე  კაცია  ოჩამჩირის  რაიონის  სოფელ  კოჩარის  მკვიდრი  იყო. აფხაზეთში  მიმდინარე  საომარი  მოქმედებების  დროს , გურამ  კაცია  ირიცხებოდა  საქართველოს  რესპუბლიკის  თავდაცვის  სამინისტროს  24-ე  მექანიზირებული  ბრიგადის  242-ე  ბატალიონში.

გურამ  კაცია  დაიღუპა  1993  წლის  20 აპრილს, ოჩამჩირის  რაიონის  სოფელ  ლაბრასთან  მიმდინარე  ერთ-ერთი  საბრძოლო  ოპერაციის  დროს.

რევაზ ვლადიმერის  ძე  კოპალიანი  დაიბადა  1966 წელს  ოჩამჩირის  რაიონის  სოფელ  ცაგერაში. დაამთავრა  ცაგერას  საშუალო  სკოლა, შემდეგ  მოიხადა  სამხედრო-სავალდებულო  სამსახური.

აფხაზეთში  საომარი  მოქმედებების  დაწყებისთანავე  რევაზ  კოპალიანი  ჩაირიცხა  საქართველოს  რესპუბლიკის  თავდაცვის  სამინისტროს  მე-2  საარმიო  კორპუსის  24-ე  მექანიზირებული  ბრიგადის  242-ე  ბატალიონში.

1993  წლის  5 იანვრის  სამხედრო  ოპერაციის  დროს  რევაზ  კოპალიანი  გმირულად  დაიღუპა..

თამაზ  გიორგის  ძე  კვატანია  დაიბადა  1995  წლის  25  ნოემბერს  ოჩამჩირის  რაიონის  სოფელ კოჩარაში.

საშუალო   სკოლა  მშობლიურ  სოფელში  დაამთავრა , შემდეგ  ქალაქ სოხუმის  ინდუსტრიულ  ტექნიკუმში  სწავლობდა. მოიხადა  სამხედრო-სავალდებულო  სამსახური. დაბრუნდა  მშობლიურ  სოფელში, შექმნა  ლამაზი  ოჯახი,მუშაობდა  ჩაის ფაბრიკაში.

 თამაზ  კვატანია  აფხაზეთში  მიმდინარე   კონფლიქტის  დროს, 1992  წლის  დეკემბრიდან  , მსახურობდა  საქართველოს  რესპუბლიკის   თავდაცის  სამინისტროს  მე-2  საარმიო  კორპუსის  24-ე  მექანიზირებული  ბრიგადის  242-ე  ბატალიონის   შემადგენლობაში  – რიგით  მებრძოლად.

  თამაზ  კვატანია   დაიღუპა  1993  წლის  2  იანვარს, სოფელ კოჩარაში  მიმდინარე  საომარი  მოქმედებების  დროს , კიდევ  ერთი  სამშობლოზე  შეყვარებული  ვაჟკაცი  დააკლდა  ქვეყანას.

 თამაზ  კვატანია  დაკრძლულია  ქალაქ  ოჩამჩირეში.

მურმან ივანეს ძე კვარაცხელია საქართველოს ტერიტორიული მთლიანობისთვის მებრძლთა რიგებში ჩადგა 1992 წლის 11 დეკემბრიდან ჩაირიცხა მეორე საარმიო კორპუსის 24 -ბრიგადის 242-ე ბატალიონის მე-3ე ასეულის მეტყვიამფრქვევედ.
ის მონაწილეობას ღებულობდა 242-ე ბატალიონის მიერ ჩატარებულ ყველა საბრძოლო ოპერაციებში. სოფელ კოჩარის, ცაგერის, და ლაბრის ტერიტორიაზე. იყო მამაცი მებრძოლი. პატივცემით სარგელობდა თანამებრძოლთა შორის.
დაიღუპა 1993 წლის 2 ივლისს სოფ. ტამიშთან მტრის დესდანტის წინააღმდეგ ორმხრივი შეტაკების დროს. გამოსვვებულ იქნა 1993 წლის 11 ივლისს ტერიტორიის მტრისგან გაწმენდის შემდეგ.
დაკრძალულია ქალაქ ოჩამჩირეში.

ვაჟა  ჯოტოს  ძე  კალანდია  დაიბადა  1958  წელს  ოჩამჩირის  რაიონის  სოფელ  კოჩარაში.

აფხაზეთში  მიმდინარე  საომარი მოქმედებების  დროს,  ვაჟა  კალანდია  ირიცხებოდა  საქართველოს  რესპუბლიკის  თავდაცვის  სამინისტროს  მე-2   საარმიო  კორპუსის  24-ე  მექანიზირებული  ბრიგადის  242-ე  ბატალიონში.  აქტიურად  მონაწილეობდა  ბატალიონის  მიერ  განხორციელებულ  საბრძოლო  მოქმედებებში.

ვაჟა  კალანდია  1993  წლის  2  იანვარს  , კოჩარა-ლაბრის  საზღვარზე  ერთ-ერთი  საბრძოლო  ოპერაციის  დროს,გმირულად   დაიღუპა.

სერგო  ვასილის ძე ირემაძე  დაიბადა  1953  წლის 25 ოქტომბერს  ოჩამჩირის  რაიონის  სოფელ ცაგერაში. დაამთავრა  სოფელ  ცაგერას  საშუალო  სკოლა. მოიხადა  სამხედრო-სავალდებულო  სამსახური.

აფხაზეთში  მიმდინარე  საომარი  მოქმედებების  დროს , სერგო  ირემაძე  1993  წლის  1 თებერვლიდან  შუერთდა საქართველოს  ტერიტორიული  მთლიანობის დამცველთა  რიგებს.

პოლიციის რიგითი  სერგო  ირემაძე  ირიცხებოდა სატრანსპორტო  პოლიციის  მთავარი სამმართველოს  რკინიგზის  ობიექტების  დაცვის  პოლკში, მე-4  ათეულში.

სერგო  ირემაძე  იყო  დისციპლინირებული,  ენერგიული  თანამშრომელი, რომელიც მეთაურის  დავალებებს  დროულად  და  პირნათლად  ასრულებდა.  აქტიურად  მონაწილეობდა  პოლკის  მიერ  ჩატარებულ  ყველა  საბრძოლო ოპერაციაში.

1993 წლის  16  სექტემბერს  მტრის  ალყაში  ტყვედჩავარდნილი   მოსახლეობის  განთავისუფლებისას, სოფელ  ცაგერაში  შეტაკების  დროს  გმირულად  დაიღუპა.

სერგო  ირემაძეს  დარჩა  მეუღლე  და  შვილები.

საქართველოს  პრეზიდენტის  განკარგულებით  სამშობლოს  ტერიტორიული  მთლიანობისთვის  ბრძოლაში  გამოჩენილი  გმირობის, ვაჟკაცობისა  და  თავგანწირვისათვის სერგო  ვასილის  ძე  ირემაძე, სიკვდილის   შემდეგ, დაჯილდოვდა  ვახტანგ   გორგასლის   II  ხარისხის  ორდენით.

ვარდენ  ვასილის  ძე  ირემაძე  დაიბადა  1951  წლის  9  ივნისს  ოჩამჩირის  რაიონის  სოფელ  ცაგერაში.

სკოლის  დამთავრების  შემდეგ  მოიხადა  სამხედრო-სავალდებულო  სამსახური. მუშაობდა  ოჩამჩირის  რაიონის  სოფელ  არადუს  საბჭოთა  მეურნეობაში, მექანიზატორად.

აფხაზეთში  საომარი  მოქმედებების   დაწყებისთანავე,  ვარდენ  ირემაძე  ჩაირიცხა  საქართველოს  რესპუბლიკის  თავდაცვის  სამინისტროს  მე-2  საარმიო  კორპუსის  24-ე  მექანიზირებული  ბრიგადის  242-ე   ბატალიონში.  ვარდენი  მამაცი  და უშიშარი  მებრძოლი  იყო,  თავი  გამოიჩინა , როგორც  სამშობლოზე  უსაზღვროდ  შეყვარებულმა , თავგანწირულმა  ვაჟკაცმა.

1993  წლის  3 იანვარს,სოფელ  ცხენისწყალთან  გამართულ  შეტაკებაში  გმირულად  დაეცა  ბრძოლის  ველზე.

ვარდენ  ირემაძე  დაკრძალულია  სოფელ  ცაგერაში.

რომან  მიზდონის  ძე  იოსელიანი  დაიბადა  1971  წლის  27  თებერვალს  ოჩამჩირის  რაიონის  სოფელ  კოჩარაში.

სწავლობდა  კოჩარას  შოთა  რუსთაველის  სახელობის  საშუალო  სკოლაში. იყო  სამაგალითო  და  ბეჯითი  მოსწავლე.  1988  წელს  წარმატებით  დაამთავრა  საშუალო  სკოლა.  1989 –  1991  წლებში  მოიხადა  სამხედრო- სავალდებულო  სამსახური –  სახალინის   ნახევარკუნძულზე.

აფხაზეთში  საომარი  მოქმედებების  დაწყების  პირველივე   დღიდან  ჩადგა  ადგილობრივი  ქართული  გვარდიის  მებრძოლთა  რიგებში.

1992 წლის  18  ოქტომბერს  რომან  იოსელიანი  თანამებრძოლებთან  –  მერაბ  მარგიანთან  და  ბაკურ  გიგლემიანთან  ერთად  გმირულად  დაიღუპა  ბრძოლის  ველზე.

1992  წლის  18  ოქტომბერს  რომან  იოსელიანი  თანამებრძოლებთან  ერთად  გმირულად  დაიღუპა  ბრძოლის  ველზე.

რომან  იოსელიანი  დაკრძალულია  სოფელ  კოჩარაში.

ვახტანგ  მახამედის  ძე  იოსელიანი  დაიბადა  1971  წლის  5  თებერვალს  ოჩამჩირის  რაიონის  სოფელ  კოჩარაში.

1977 – 87  წლებში  სწავლობდა  კოჩარას  შ.რუსთაველის  საშუალო  სკოლაში. 1988-90  წლებში  სამხედრო – სავალდებულო  სამსახური  გერმანიაში  გაიარა.

აფხაზეთში  განვითარებული  საომარი  მოქმედებების  დროს  ვახტანგ  იოსელიანი  სამშობლოს  სადარაჯოზე  იდგა.  ირიცხებოდა   საქართველოს  რესპუბლიკის  თავდაცვის  სამინისტროს  მე-2  საარმიო  კორპუსის  24-ე  მექანიზირებული  ბრიგადის  242-ე  ბატალიონში  ყუმბარმტყორცნელად. მონაწილეობდა  ბატალიონის  მიერ  განხორციელებულ  საბრძოლო  ოპერაციებში  ტამიშთან, მერკულასთან ,ბესლახუბასთან.

1992  წლის  18  დეკემბერს  სოფელ  ბესლახუბასთან  მიმდინარე  საბრძოლო  მოქმედების  დროს  ვახტანგ  იოსელიანი  გმირულად  დაიღუპა.  თანამებრძოლებმა  ბრძოლის ველიდან  გამოასვენეს.  ვახტანგ  იოსელიანი  დაკრძალულია  ოჩამჩირის  რაიონის  სოფელ  ცაგერაში.

ჟორა პავლეს ძე თუთისანი პირველივე დღიდან დადგა სამშობლოს ინტერესების დამცველთა რიგებში.

აფხაზეთის მკვიდრი აფხაზეთის უკეთეს მომავალზე ოცნებობდა. ამიტომაც, საქართველოს ტერიტორიული მთლიანობის დასაცავად თავდაუზოგავად იბრძოდა. 1992 წლის 11 დეკემბრიდან ირიცხებოდა საქართველოს რესპუბლიკის თავდაცვის სამინისტროს მე-2 საარმიო კორპუსის 24-ე მექანიზირებული ბრიგადის 242-ე ბატალიონში მსროლელად. აქტიურად მონაწილეობდა არაერთ რთულ საბრძოლო ოპერაციაში.

ჟორა  თუთისანი  იყო  ენერგიული, უშიშარი  მებრძოლი. გმირულად  იბრძოდა  და გმირულად  დაიღუპა  1993  წლის   29  მაისს, სოფელ   ცაგერას  დაცვის  დროს.