ჩვენი გმირები

თენგიზ  სერგოს  ძე  ბლიაძე  ბორჯომის  მკვიდრი  იყო.დაიბადა   1955  წლის  1  ივნისს  ქალაქ  ბორჯომის  რაიონის  სოფელ  ყვიბისში. საშუალო  სკოლის   დამთავრებისთანავე  სამუშაოდ  რკინიგზას  მიაშურა.  შემდეგ  სამხედრო-სავალდებულო  სამსახურში  გაიწვიეს. მშობლიურ  ქალაქში  დაბრუნებულმა  ბორჯომის  მეორე  ჩამოსასხმელ  ქარხანაში  დაიწყო  მუშაობა.

თენგიზ  ბლიაძე  1992  წლის  27  ოქტომბერს  კი  ბორჯომის  სამხედრო  კომისარიატმა  აფხაზეთის  დასაცავად  გაიწვია.  იბრძოდა  სოხუმში., ირიცხებოდა საქართველოს  რესპუბლიკის   თავდაცვის  სამინისტროს  23-ე  მექანიზირებული  ბრიგადის  239-ე  საზენიტო-საარტილერიო  დივიზიონის  შემადგენლობაში. იყო  გამორჩეულად  გამჭრიახი  და  თავდაუზოგავი  მებრძოლი.

თენგიზ ბლიაძე, 1993  წლის  28  სექტემბერს, შუქურას  რაიონში,მძიმედ  დაიჭრა  და  გარდაიცვალა.

საქართველოს  პრეზიდენტის   განკარგულებით  სამშობლოს   ტერიტორიული  მთლიანობისთვის  ბრძოლაში  გამოჩენილი  გმირობის , ვაჟკაცობისა  და  თავგანწირვისათვის  თენგიზ  ბლიაძე,სიკვდილის  შემდეგ, დაჯილდოვდა  ვახტანგ   გორგასლის  III  ხარისხის  ორდენით.

თემურ  ვლადიმერის  ძე  ბანძელაძე  დაიბადა  1954  წლის  8  ივლისს  ქალაქ  ჭიათურაში. აფხაზეთში  მიმდინარე  საომარი  მოქმედებების  დროს, თემურ  ბანძელაძე  ირიცხებოდა  საქართველოს   რესპუბლიკის   თავდაცვის  სამინისტროს  23-ე  მექანიზირებული  ბრიგადის  239-ე  საზენიტო-საარტილერიო  დივიზიონის  შემადგენლობაში. უშიშარი, თავდადებული ვაჟკაცი  მონაწილეობდა  არაერთ  რთულ  და  საპასუხისმგებლო  საბრძოლო  ოპერაციაში.  1993  წლის  1  აპრილს, შუქურას  რაიონში  მიმდინარე   უშეღავათო  ბრძოლაში  თემურ  ბანძელაძე  გმირულად  დაიღუპა.

საქართველოს  პრეზიდენტის  განკარგულებით  სამშობლოს  ტერიტორიული  მთლიანობისთვის  ბრძოლაში  გამოჩენილი  გმირობის,ვაჟკაცობისა  და თავგანწირვისათვის  თემურ  ბანძელაძე, სიკვდილის შემდეგ, დაჯილდოვდა  ვახტანგ  გორგასლის   III  ხარისხის   ორდენით.

ჰამლეტ  სურენის  ძე  ადამიანი  დაიბადა  1956  წლის  30  ნოემბერს  ქალაქ  თბილისში. 1981  წელს დაამთავრა  პოლტავის სამხედრო-საზენიტო  სასწავლებელი. ეროვნებით  სომეხი  თბილისელი  კაცი  აფხაზეთის  დასაცავად  ქართველი  მეგობრების  გვერდით  დადგა.  1992  წლის  1  ნოემბრიდან  1993  წლის  1 აპრილამდე  ირიცხებოდა  საქართველოს  რესპუბლიკის  თავდაცვის  სამინისტროს  23-ე  მექანიზირებული  ბრიგადის  239-ე   საზენიტო-საარტილერიო  დივიზიონის  შემადგენლობაში. იყო  დივიზიონის  პირველი   ბატარეის  მეთაური. აქტიურად  მონაწილეობდა  არაერთ  საბრძოლო  ოპერაციაში. იყო  დისციპლინირებული   და  სანიმუშო  მებრძოლი.  დივიზიონის  წევრებს  შორის  დამსახურებული  ავტორიტეტით სარგებლობდა.

1 აპრილს  239-ე   საზენიტო-საარტილერიო  დივიზიონის   პირველი  ბატარეის  საბრძოლო  პოზიციებზე, რომელიც  განლაგებული  იყო  ქალაქ  სოხუმის  შუქურას  რაიონში,ბეტონის  ქარხნის   ტერიტორიაზე, მოწინააღმდეგე   მხარემ  საღამოს, შებინდებამდე  მძიმე  საარტილერიო  დანადგარებით  იერიში  მიიტანა, რომლის  მოგერიებასაც  დაუყოვნებლივ  შეუდგა  პირველი  ბატარეის  პირადი  შემადგენლობა  ჰამლეტ  ადამიანის  მეთაურობით.

მძიმე  ბრძოლის  დროს    დაიჭრა  ერთ-ერთი  მებრძოლი, ჰამლეტმა  მოახერხა  მისი  გაყვანა   ბრძოლის  ველიდან. მისი  ადგილი   კი   საზენიტო  ქვემეხთან, თავად  დაიკავა.  მოწინააღმდეგის  მიერ  გასროლილი  ჭურვი  საბედისწერო  აღმოჩნდა  მისთვის.  ჰამლეტ  ადამიანი  გმირულად  დაიღუპა.

დაკრძალულია  ქალაქ  თბილისში, ავჭალის  სასაფლაოზე.

საქართველოს  პრეზიდენტის  განკარგულებით  სამშობლოს  ტერიტორიული  მთლიანობისთვის  ბრძოლაში  გამოჩენილი  გმირობის, ვაჟკაცობისა  და თავგანწირვისათვის  ჰამლეტ  ადამიანი, სიკვდილის  შემდეგ, დაჯილდოვდა  ვახტანგ  გორგასლის   III  ხარისხის  ორდენით

ოთარ  ლავრენტის  ძე  ჯომიდავა  დაიბადა  1963  წლის  27  აგვისტოს  გულრიფშის  რაიონის  სოფელ  მერხულაში. ოთარი  1988  წლიდან   აქტიურად   იყო   ჩართული  ეროვნულ  მოძრაობაში.

აფხაზეთში   მიმდინარე  საომარი  მოქმედებების  დროს   ოთარ  ჯომიდავა   ირიცხებოდა  საქართველოს  ეროვნული  გვარდიის,სოხუმის  მე-5  მოტომსროლელი  ბატალიონის  რიგებში. იყო  ასმეთაურის   მოადგილე. მონაწილეობდა  შრომა-ახალშენის,გუმისთის,ლინდავის, ბურსი-ბირცხას  მიმართულებით  განხორციელებულ  ოპერაციებში.

ოთარ  ჯომიდავა  გმირულად  დაიღუპა  1993  წლის  20  სექტემბერს  სოფელ  ბურსთან.

ვახტანგ  ბორის  ძე  ხოჭავა  დაიბადა   1958 წლის  17  ივლისს  ქალაქ  ოჩამჩირეში.

მამა  მეორე  მსოფლიო  ომის   მონაწილე  იყო,  ხუთი  დის  ნებიერა  ძმას  ცივ  ნიავს  არ   აკარებდნენ.  დაამთავრა  ოჩამჩირის  მე-2  რუსული   საშუალო  სკოლა.

სამხედრო-სავალდებულო  სამსახური   გაიარა  ყაზახეთში, ბაიკონურის  კოსმოდრომის  ბაზაზე.

შემდეგ  ოჯახი  საცხოვრებლად  სოხუმში  გადავიდა.

ვახტანგ  ხოჭავა  ირიცხებოდა  საქართველოს  ეროვნული  გვარდიის  სოხუმის  მე-5  მოტომსროლელ  ბატალიონში. მონაწილეობდა   ბატალიონის   მიერ  წარმოებულ  საბრძოლო  ოპერაციებში.

ბატალიონიდან  მიმაგრებული  იყო  სამხედრო  კომენდანტურაში.

ვახტანგ  ხოჭავა  1992  წლის  17  სექტემბერს  გმირულად  დაიღუპა.  დაკრძალულია  ოჩამჩირის  რაიონის  სოფელ  ილორში.

ვახტანგ  ხოჭავას  დარჩა  მეუღლე  და  ქალიშვილი.

მალხაზ  არდაშელის  ძე  ხარშილავა  დაიბადა  1968  წლის 1  აპრილს  წალენჯიხის  რაიონის  სოფელ  ჯგალში.  დაამთავრა  ჯგალის  საშუალო  სკოლა. შემდეგ  სამხედრო-სავალდებულო  სამსახური  გაიარა  გერმანიის  დემოკრატიულ  რესპუბლიკაში.

მალხაზ  ხარჩილავა  აქტიურად  იყო  ჩაბმული  ეროვნულ  მოძრაობაში. აფხაზეთში  მიმდინარე  საომარი  მოქმედებების  დაწყებისთანავე  ჩაირიცხა   საქართველოს  ეროვნული  გვარდიის  სოხუმის  მე-5  მოტომსროლელ  ბატალიონში. თანამებრძოლები მას  სიყვარულით  „სიზმარას“  ეძახდნენ.

1993  წლის  10  ივლისს   სამხედრო  დავალების  შესრულების  დროს  მალხაზ  ხარჩილავა  გმირულად  დაიღუპა.

მალხაზ  ხარჩილავა  დაკრძალულია  წალენჯიხის  რაიონის  სოფელ  ჯგალში.

მოძრაობა  ეროვნულების  მიერ  მალხაზ  ხარშილავა  დაჯილდოვდა  ვერცხლის  მედლითა  და  სამახსოვრო  სიგელით  საქართველოს  თავისუფლებისთვის ,  ტერიტორიული  მთლიანობის   დაცვის, ეროვნული ხელისუფლების  და  საქართველოს  პირველი  პრეზიდენტის  ზვიად  გამსახურდიას   მხარდაჭერისათვის.

ნური  ამირანის  ძე  საკანდელია  დაიბადა  1964  წლის  19   ოქტომბერს   ქალაქ  სოხუმში.

აფხაზეთში  მიმდინარე  საომარი მოქმედებების  დროს,  ნური  საკანდელია  1992  წლის  18  აგვისტოდან  ირიცხებოდა საქართველოს  რესპუბლიკის  ეროვნული  გვარდიის   სოხუმის  მე-5  მოტომსროლელ  ბატალიონში  ნაღმმტყოცნელად. მონაწილეობდა  შრომა – ახალშენის , ლინდავა-მანისის  და  გუმისთის  ფრონტზე   განხორციელებულ  საბრძოლო  ოპერაციებში.

ნური  საკანდელია  1993 წლის 20   სექტემბერს  სოხუმის  დაცვითი  ოპერაციის  დროს, სოფელ  ბირცხაში, მძიმედ  დაიჭრა და  1993  წლის  23  ოქტომბერს  გარდაიცვალა.

სოსო  ვლადიმერის  ძე  ზოიძე  დაიბადა  1956  წლის  15  მარტს  ქალაქ  სოხუმში. დაამთავრა  სოხუმის  მე-17  საშუალო  სკოლა.მუშაობდა  სოხუმის  სამხედრო  ტურბაზაში-ინსტუქტორად.

სოსო  ზოიძე  1993  წლიდან  ირიცხებოდა  საქართველოს  ეროვნული გვარდიის,სოხუმის  მე-5  ნოტომსროლელ   ბატალიონში.

1993   წლის  19  სექტემბერს, სოფელ  თავისუფლებასთან  მიმდინარე  ბრძოლების  დროს,სოსო  ზოიძე  გმირულად  დაიღუპა.

მაცი  არველოდის  ძე  დამენია  დაიბადა  1965  წლის  3  მარტს  ოჩამჩირის  რაიონის  სოფელ  ახალდაბაში.  დაამთავრა  ახალდაბის   საშუალო  სკოლა. შემდეგ  მოიხადა  სამხედრო-სავალდებულო  სამსახური. ომის  დაწყებამდე  მუშაობდა  გულრიფშის  ავტოპარკში  მძღოლად.

აფხაზეთში  საომარი მოქმედებების  დროს  მაცი  დამენია  ირიცხებოდა  საქართველოს  ეროვნული  გვარდიის  სოხუმის  მე-5  მოტომსროლელ  ბატალიონში.

1993  წლის  16  მარტს  მდინარე  გუმისთასთან  მიმდინარე საბრძოლო  მოქმედებების  დროს   მაცი დამენია  გმირულად  დაიღუპა.

გელახსან  აბრამის   ძე  გაზდელიანი  დაიბადა  1944  წლის  10  ოქტომბერს  ლენტეხის   რაიონის  სოფელ  ფაყში. 1949  წლიდან  აბრაამ  გაზდელიანის   ოჯახი   ლენტეხიდან  გულრიფშის  რაიონის  სოფელ  ჩინში  ჩამოსახლდა.  საშუალო  სკოლის  დამთავრების  მერე  გელახსან  გაზდელიანმა  მიიღო  ტექნიკური  განათლება  ბუღალტრის  კვალიფიკაციით. მუშაობდა  ბუღალტრად  ამტყელის  მეურნეობაში,შემდეგ  სოხუმში  აკადემიკოს  ლაპინის  ექსპერიმენტალურ  კვლევით  ინსტიტუტში.

აფხაზეთში  საომარი  მოქმედებების  დროს  გელახსან  გაზდელიანი  ირიცხებოდა  საქართველოს   ეროვნული  გვარდიის  სოხუმის  მე-5  მორომსროლელ  ბატალიონში  მოხალისედ.

1993  წლის  21  სექტემბერს  საბრძოლო  მოქმედებების  დროს  გელახსან  გაზდელიანი  მძიმედ  დაიჭრა  და  ბრძოლის  ველზე  დაიღუპა.

ოთარ  იოსების ძე გაგუა , დაიბადა 1954 წლის 13 ნოემბერს ქ. სოხუმში. დაამთავრა მე-11 საშუალო სკოლა.

პაატა (ანზორ)  ჭელიძე  დაიბადა  1967  წლის  28  იანვარს.

1985  წელს  დამთავრა  სოხუმის  მე-17  საშუალო  სკოლა.

აფხაზეთში  მიმდინარე  საომარი  მოქმედებების  დროს   პაატა  ჭელიძე  ირიცხებოდა  საქართველოს  რესპუბლიკის  თავდაცვის  სამინისტროს  23-ე  მოტო-მექანიზირებული ბრიგადის  სამთო-მსროლელ  ასეულში.

პაატა  ჭელიძე  1993   წლის  26  იანვარს  საბრძოლო  ოპერაციის  დროს დაიღუპა.

ჯემალ  ნულორის  ძე  ცხვიტავა  დაიბადა  1965  წლის  25   მარტს  ქალაქ  სოხუმში.  1983  წელს  დაამთავრა  სოხუმის  №5  საშუალო   სკოლა.  1987-1980  წლებში  მუშაობდა  სოხუმის   ქიმიურ  ქარხანაში  ცვლის  უფროსად.

აფხაზეთში   მიმდინარე  საომარი  მოქმედებების  დროს,  1992  წლის  25  სექტემბრიდან    ირიცხებოდა  საქართველოს  რესპუბლიკის  თავდაცვის  სამინისტროს  23-ე  მექანიზირებული  ბრიგადის  საკომენდანტო   ასეულის  მეთაურად.  1993  წლის  1  ივლისიდან  საკომენდანტო  ასეულის  ბაზაზე  შეიქმნა  სამთო-მსროლელი  ასეული.  ჯემალ  ცხვიტავა  დაინიშნა  სამთო-მსროლელი  მეთაურის  რადისტად.  მონაწილეობდა   ასეულის  მიერ  მდინარე  გუმისთის  მისადგომებთან, შრომა-კამანის,აჩადარასა  და  ათარა-აფხაზსკაიას  მიმართულებით  ჩატარებულ  საბრძოლო  ოპერაციებში.  1993  წლის  13    ივლისს,სოფელ   შრომაში  პოზიციური  ბრძოლების  დროს,ჯემალ  ცხვიტავა  გმირულად   დაიღუპა.

საქართველოს  პრეზიდენტის  განკარგულებით  სამშობლოს  ტერიტორიული  მთლიანობისთვის  ბრძოლაში  გამოჩენილი  გმირობის, ვაჟკაცობისა  და  თავდადებისათვის  ჯემალ  ცხვიტავა, სიკვდილის  შემდეგ, დაჯილდოვდა  ვახტანგ  გორგასლის  III   ხარისხის  ორდენით.

ჯამბულად ჩხაპელია დაიბადა 1971 წელს.

1992 წლის სექტემბერში რიგითად ჩაირიცხა 23-ე ბრიგადის დაცვის ასეულში.

1992 წლის 25 ნოემბერს დაცვის ასეულის ერთი ჯგუფი გაგზავნეს მებრძოლთა დასახმარებლად სოფელ აფხაზეთის ათარასთან, რომელსაც მტერი დაუნდობლად უტევდა. სწორედ ამ შეტაკების დროს გმირულად დაიღუპა რიგითი ჯამბულ ჩხაპელია, რომელიც დაკრძალულია ბირცხის სასაფლაოზე.

სამშობლოს სიყვარულით გულანთებული კიდევ ერთი ვაჟკაცი შეიწირა მტრის ულმობელმა ტყვიამ.